25. The Second Chapter

0.1Aṅguttara Nikāya 1

0.1The Numerical Discourses 1

0.225. Dutiyavagga

0.225. The Second Chapter

1.0306

1.0306

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā akusalā dhammā bhiyyobhāvāya vepullāya saṁvattanti yathayidaṁ, bhikkhave, micchādiṭṭhi.

1.1"I do not see, bhikkhus, any other single dhamma by which unarisen unwholesome dhammas arise, and arisen unwholesome dhammas increase and proliferate, as does wrong view, bhikkhus.

1.2Micchādiṭṭhikassa, bhikkhave, anuppannā ceva akusalā dhammā uppajjanti uppannā ca akusalā dhammā bhiyyobhāvāya vepullāya saṁvattantī”ti.

1.2For one with wrong view, bhikkhus, unarisen unwholesome dhammas arise, and arisen unwholesome dhammas increase and proliferate."

1.0307

1.0307

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā kusalā dhammā bhiyyobhāvāya vepullāya saṁvattanti yathayidaṁ, bhikkhave, sammādiṭṭhi.

1.1"I do not see, bhikkhus, any other single dhamma by which unarisen wholesome dhammas arise, and arisen wholesome dhammas increase and proliferate, as does right view, bhikkhus.

1.2Sammādiṭṭhikassa, bhikkhave, anuppannā ceva kusalā dhammā uppajjanti uppannā ca kusalā dhammā bhiyyobhāvāya vepullāya saṁvattantī”ti.

1.2For one with right view, bhikkhus, unarisen wholesome dhammas arise, and arisen wholesome dhammas increase and proliferate."

1.0308

1.0308

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā nuppajjanti uppannā vā kusalā dhammā parihāyanti yathayidaṁ, bhikkhave, micchādiṭṭhi.

1.1"I do not see, bhikkhus, any other single dhamma by which unarisen wholesome dhammas do not arise, and arisen wholesome dhammas decline, as does wrong view, bhikkhus.

1.2Micchādiṭṭhikassa, bhikkhave, anuppannā ceva kusalā dhammā nuppajjanti uppannā ca kusalā dhammā parihāyantī”ti.

1.2For one with wrong view, bhikkhus, unarisen wholesome dhammas do not arise, and arisen wholesome dhammas decline."

1.0309

1.0309

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā nuppajjanti uppannā vā akusalā dhammā parihāyanti yathayidaṁ, bhikkhave, sammādiṭṭhi.

1.1"I do not see, bhikkhus, any other single dhamma by which unarisen unwholesome dhammas do not arise, and arisen unwholesome dhammas decline, as does right view, bhikkhus.

1.2Sammādiṭṭhikassa, bhikkhave, anuppannā ceva akusalā dhammā nuppajjanti uppannā ca akusalā dhammā parihāyantī”ti.

1.2For one with right view, bhikkhus, unarisen unwholesome dhammas do not arise, and arisen unwholesome dhammas decline."

1.0310

1.0310

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā micchādiṭṭhi uppajjati uppannā vā micchādiṭṭhi pavaḍḍhati yathayidaṁ, bhikkhave, ayonisomanasikāro.

1.1"I do not see, bhikkhus, any other single dhamma by which unarisen wrong view arises, and arisen wrong view grows, as does inappropriate attention [ayonisomanasikāro], bhikkhus.

1.2Ayoniso, bhikkhave, manasi karoto anuppannā ceva micchādiṭṭhi uppajjati uppannā ca micchādiṭṭhi pavaḍḍhatī”ti.

1.2For one who attends inappropriately [ayoniso], bhikkhus, unarisen wrong view arises, and arisen wrong view grows."

1.0311

1.0311

1.1“Nāhaṁ, bhikkhave, aññaṁ ekadhammampi samanupassāmi yena anuppannā vā sammādiṭṭhi uppajjati uppannā vā sammādiṭṭhi pavaḍḍhati yathayidaṁ, bhikkhave, yonisomanasikāro.

1.1"I do not see, bhikkhus, any other single dhamma by which unarisen right view arises, and arisen right view grows, as does appropriate attention [yoniso manasikāra], bhikkhus.

1.2Yoniso, bhikkhave, manasi karoto anuppannā ceva sammādiṭṭhi uppajjati uppannā ca sammādiṭṭhi pavaḍḍhatī”ti.

1.2For one who attends appropriately [yoniso], bhikkhus, unarisen right view arises, and arisen right view grows."

1.0312

1.0312

1.1“Nāhaṁ, bhikkhave, aññaṁ ekadhammampi samanupassāmi yena sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ uppajjanti yathayidaṁ, bhikkhave, micchādiṭṭhi.

1.1"I do not see, bhikkhus, any other single dhamma by which beings, at the breaking up of the body, after death, arise in a lower realm, a bad destination, a place of ruin, in hell, as does wrong view, bhikkhus.

1.2Micchādiṭṭhiyā, bhikkhave, samannāgatā sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ uppajjantī”ti.

1.2Beings endowed with wrong view, bhikkhus, at the breaking up of the body, after death, arise in a lower realm, a bad destination, a place of ruin, in hell."

1.0313

1.0313

1.1“Nāhaṁ, bhikkhave, aññaṁ ekadhammampi samanupassāmi yena sattā kāyassa bhedā paraṁ maraṇā sugatiṁ saggaṁ lokaṁ uppajjanti yathayidaṁ, bhikkhave, sammādiṭṭhi.

1.1"I do not see, bhikkhus, any other single dhamma by which beings, at the breaking up of the body, after death, arise in a good destination, in a heavenly world, as does right view, bhikkhus.

1.2Sammādiṭṭhiyā, bhikkhave, samannāgatā sattā kāyassa bhedā paraṁ maraṇā sugatiṁ saggaṁ lokaṁ uppajjantī”ti.

1.2Beings endowed with right view, bhikkhus, at the breaking up of the body, after death, arise in a good destination, in a heavenly world."

1.0314

1.0314

1.1“Micchādiṭṭhikassa, bhikkhave, purisapuggalassa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …pe… yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā sabbe te dhammā aniṭṭhāya akantāya amanāpāya ahitāya dukkhāya saṁvattanti.

1.1"For a person with wrong view, bhikkhus, whatever bodily kamma undertaken and carried out in accordance with that view, whatever verbal kamma … whatever mental kamma undertaken and carried out in accordance with that view — the intentions, the aspirations, the resolves, and the saṅkhāras — all those dhammas lead to what is unwanted, unpleasant, disagreeable, harmful, and to dukkha.

1.2Taṁ kissa hetu?

1.2Why is that?

1.3Diṭṭhi hissa, bhikkhave, pāpikā.

1.3Because, bhikkhus, the view is bad.

1.4Seyyathāpi, bhikkhave, nimbabījaṁ vā kosātakibījaṁ vā tittakālābubījaṁ vā allāya pathaviyā nikkhittaṁ yañceva pathavirasaṁ upādiyati yañca āporasaṁ upādiyati sabbaṁ taṁ tittakattāya kaṭukattāya asātattāya saṁvattati.

1.4Just as, bhikkhus, a neem seed, a bitter cucumber seed, or a bitter gourd seed, when planted in moist soil — whatever essence of the earth it draws up and whatever essence of the water it draws up — all of it turns to bitterness, pungency, and disagreeableness.

1.5Taṁ kissa hetu?

1.5Why is that?

1.6Bījañhissa, bhikkhave, pāpakaṁ.

1.6Because, bhikkhus, the seed is bad.

1.7Evamevaṁ kho, bhikkhave, micchādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …pe… yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā sabbe te dhammā aniṭṭhāya akantāya amanāpāya ahitāya dukkhāya saṁvattanti.

1.7In the same way, bhikkhus, for a person with wrong view, whatever bodily kamma undertaken and carried out in accordance with that view, whatever verbal kamma … whatever mental kamma undertaken and carried out in accordance with that view — the intentions, the aspirations, the resolves, and the saṅkhāras — all those dhammas lead to what is unwanted, unpleasant, disagreeable, harmful, and to dukkha.

1.8Taṁ kissa hetu?

1.8Why is that?

1.9Diṭṭhi hissa, bhikkhave, pāpikā”ti.

1.9Because, bhikkhus, the view is bad."

1.0315

1.0315

1.1“Sammādiṭṭhikassa, bhikkhave, purisapuggalassa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …pe… yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā sabbe te dhammā iṭṭhāya kantāya manāpāya hitāya sukhāya saṁvattanti.

1.1"For a person with right view, bhikkhus, whatever bodily kamma undertaken and carried out in accordance with that view, whatever verbal kamma … whatever mental kamma undertaken and carried out in accordance with that view — the intentions, the aspirations, the resolves, and the saṅkhāras — all those dhammas lead to what is wanted, pleasant, agreeable, beneficial, and to sukha.

1.2Taṁ kissa hetu?

1.2Why is that?

1.3Diṭṭhi hissa, bhikkhave, bhaddikā.

1.3Because, bhikkhus, the view is good.

1.4Seyyathāpi, bhikkhave, ucchubījaṁ vā sālibījaṁ vā muddikābījaṁ vā allāya pathaviyā nikkhittaṁ yañceva pathavirasaṁ upādiyati yañca āporasaṁ upādiyati sabbaṁ taṁ madhurattāya sātattāya asecanakattāya saṁvattati.

1.4Just as, bhikkhus, a sugarcane seed, a rice seed, or a grape seed, when planted in moist soil — whatever essence of the earth it draws up and whatever essence of the water it draws up — all of it turns to sweetness, pleasantness, and natural deliciousness.

1.5Taṁ kissa hetu?

1.5Why is that?

1.6Bījaṁ hissa, bhikkhave, bhaddakaṁ.

1.6Because, bhikkhus, the seed is good.

1.7Evamevaṁ kho, bhikkhave, sammādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …pe… yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā sabbe te dhammā iṭṭhāya kantāya manāpāya hitāya sukhāya saṁvattanti.

1.7In the same way, bhikkhus, for a person with right view, whatever bodily kamma undertaken and carried out in accordance with that view, whatever verbal kamma … whatever mental kamma undertaken and carried out in accordance with that view — the intentions, the aspirations, the resolves, and the saṅkhāras — all those dhammas lead to what is wanted, pleasant, agreeable, beneficial, and to sukha.

1.8Taṁ kissa hetu?

1.8Why is that?

1.9Diṭṭhi hissa, bhikkhave, bhaddikā”ti.

1.9Because, bhikkhus, the view is good."

1.10Vaggo dutiyo.

1.10The second chapter.