MN · mn1
The Root of All Things
0.1Majjhima Nikāya 1
The Middle Length Discourses 1
0.2Mūlapariyāyasutta
The Root of All Things
1.1Evaṁ me sutaṁ—
Thus have I heard—
1.2ekaṁ samayaṁ bhagavā ukkaṭṭhāyaṁ viharati subhagavane sālarājamūle.
At one time the Bhagavā was dwelling at Ukkatthā, in the Subhaga Grove, at the root of a great sal tree.
1.3Tatra kho bhagavā bhikkhū āmantesi:
There the Bhagavā addressed the bhikkhus:
1.4“bhikkhavo”ti.
“Bhikkhus.”
1.5“Bhadante”ti te bhikkhū bhagavato paccassosuṁ.
“Bhante,” those bhikkhus replied to the Bhagavā.
1.6Bhagavā etadavoca:
The Bhagavā said this:
2.1“sabbadhammamūlapariyāyaṁ vo, bhikkhave, desessāmi.
“Bhikkhus, I will teach you the root exposition of all dhammas [sabbadhammamūlapariyāyaṁ].
2.2Taṁ suṇātha, sādhukaṁ manasi karotha, bhāsissāmī”ti.
Listen to that, attend to it carefully, I will speak.”
2.3“Evaṁ, bhante”ti kho te bhikkhū bhagavato paccassosuṁ.
“Yes, bhante,” those bhikkhus replied to the Bhagavā.
2.4Bhagavā etadavoca:
The Bhagavā said this:
3.1“Idha, bhikkhave, assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto—
“Here, bhikkhus, an uninstructed ordinary person, who has not seen the noble ones, who is unskilled in the noble dhamma [ariyadhammassa], untrained in the noble dhamma [ariyadhamme], who has not seen good persons, who is unskilled in the dhamma of good persons [sappurisadhammassa], untrained in the dhamma of good persons [sappurisadhamme]—
3.2pathaviṁ pathavito sañjānāti;
he perceives earth as earth;
3.3pathaviṁ pathavito saññatvā pathaviṁ maññati, pathaviyā maññati, pathavito maññati, pathaviṁ meti maññati, pathaviṁ abhinandati.
having perceived earth as earth, he conceives earth, he conceives in earth, he conceives from earth, he conceives ‘earth is mine,’ he delights in earth.
3.4Taṁ kissa hetu?
Why is that?
3.5‘Apariññātaṁ tassā’ti vadāmi.
I say that it has not been fully understood by him.
4.1Āpaṁ āpato sañjānāti;
He perceives water as water;
4.2āpaṁ āpato saññatvā āpaṁ maññati, āpasmiṁ maññati, āpato maññati, āpaṁ meti maññati, āpaṁ abhinandati.
having perceived water as water, he conceives water, he conceives in water, he conceives from water, he conceives ‘water is mine,’ he delights in water.
4.3Taṁ kissa hetu?
Why is that?
4.4‘Apariññātaṁ tassā’ti vadāmi.
I say that it has not been fully understood by him.
5.1Tejaṁ tejato sañjānāti;
He perceives fire as fire;
5.2tejaṁ tejato saññatvā tejaṁ maññati, tejasmiṁ maññati, tejato maññati, tejaṁ meti maññati, tejaṁ abhinandati.
having perceived fire as fire, he conceives fire, he conceives in fire, he conceives from fire, he conceives ‘fire is mine,’ he delights in fire.
5.3Taṁ kissa hetu?
Why is that?
5.4‘Apariññātaṁ tassā’ti vadāmi.
I say that it has not been fully understood by him.
6.1Vāyaṁ vāyato sañjānāti;
He perceives air as air;
6.2vāyaṁ vāyato saññatvā vāyaṁ maññati, vāyasmiṁ maññati, vāyato maññati, vāyaṁ meti maññati, vāyaṁ abhinandati.
having perceived air as air, he conceives air, he conceives in air, he conceives from air, he conceives ‘air is mine,’ he delights in air.
6.3Taṁ kissa hetu?
Why is that?
6.4‘Apariññātaṁ tassā’ti vadāmi.
I say that it has not been fully understood by him.
7.1Bhūte bhūtato sañjānāti;
He perceives beings as beings;
7.2bhūte bhūtato saññatvā bhūte maññati, bhūtesu maññati, bhūtato maññati, bhūte meti maññati, bhūte abhinandati.
having perceived beings as beings, he conceives beings, he conceives among beings, he conceives from beings, he conceives ‘beings are mine,’ he delights in beings.
7.3Taṁ kissa hetu?
Why is that?
7.4‘Apariññātaṁ tassā’ti vadāmi.
I say that it has not been fully understood by him.
8.1Deve devato sañjānāti;
He perceives gods as gods;
8.2deve devato saññatvā deve maññati, devesu maññati, devato maññati, deve meti maññati, deve abhinandati.
having perceived gods as gods, he conceives gods, he conceives among gods, he conceives from gods, he conceives ‘gods are mine,’ he delights in gods.
8.3Taṁ kissa hetu?
Why is that?
8.4‘Apariññātaṁ tassā’ti vadāmi.
I say that it has not been fully understood by him.
9.1Pajāpatiṁ pajāpatito sañjānāti;
He perceives Prajāpati as Prajāpati;
9.2pajāpatiṁ pajāpatito saññatvā pajāpatiṁ maññati, pajāpatismiṁ maññati, pajāpatito maññati, pajāpatiṁ meti maññati, pajāpatiṁ abhinandati.
having perceived Prajāpati as Prajāpati, he conceives Prajāpati, he conceives in Prajāpati, he conceives from Prajāpati, he conceives ‘Prajāpati is mine,’ he delights in Prajāpati.
9.3Taṁ kissa hetu?
Why is that?
9.4‘Apariññātaṁ tassā’ti vadāmi.
I say that it has not been fully understood by him.
10.1Brahmaṁ brahmato sañjānāti;
He perceives Brahmā as Brahmā;
10.2brahmaṁ brahmato saññatvā brahmaṁ maññati, brahmasmiṁ maññati, brahmato maññati, brahmaṁ meti maññati, brahmaṁ abhinandati.
having perceived Brahmā as Brahmā, he conceives Brahmā, he conceives in Brahmā, he conceives from Brahmā, he conceives ‘Brahmā is mine,’ he delights in Brahmā.
10.3Taṁ kissa hetu?
Why is that?
10.4‘Apariññātaṁ tassā’ti vadāmi.
I say that it has not been fully understood by him.
11.1Ābhassare ābhassarato sañjānāti;
He perceives the Ābhassaras as the Ābhassaras;
11.2ābhassare ābhassarato saññatvā ābhassare maññati, ābhassaresu maññati, ābhassarato maññati, ābhassare meti maññati, ābhassare abhinandati.
having perceived the Ābhassaras as the Ābhassaras, he conceives the Ābhassaras, he conceives among the Ābhassaras, he conceives from the Ābhassaras, he conceives ‘the Ābhassaras are mine,’ he delights in the Ābhassaras.
11.3Taṁ kissa hetu?
Why is that?
11.4‘Apariññātaṁ tassā’ti vadāmi.
I say that it has not been fully understood by him.
12.1Subhakiṇhe subhakiṇhato sañjānāti;
He perceives the Subhakiṇhas as the Subhakiṇhas;
12.2subhakiṇhe subhakiṇhato saññatvā subhakiṇhe maññati, subhakiṇhesu maññati, subhakiṇhato maññati, subhakiṇhe meti maññati, subhakiṇhe abhinandati.
having perceived the Subhakiṇhas as the Subhakiṇhas, he conceives the Subhakiṇhas, he conceives among the Subhakiṇhas, he conceives from the Subhakiṇhas, he conceives ‘the Subhakiṇhas are mine,’ he delights in the Subhakiṇhas.
12.3Taṁ kissa hetu?
Why is that?
12.4‘Apariññātaṁ tassā’ti vadāmi.
I say that it has not been fully understood by him.
13.1Vehapphale vehapphalato sañjānāti;
He perceives the Vehapphalas as the Vehapphalas;
13.2vehapphale vehapphalato saññatvā vehapphale maññati, vehapphalesu maññati, vehapphalato maññati, vehapphale meti maññati, vehapphale abhinandati.
having perceived the Vehapphalas as the Vehapphalas, he conceives the Vehapphalas, he conceives among the Vehapphalas, he conceives from the Vehapphalas, he conceives ‘the Vehapphalas are mine,’ he delights in the Vehapphalas.
13.3Taṁ kissa hetu?
Why is that?
13.4‘Apariññātaṁ tassā’ti vadāmi.
I say that it has not been fully understood by him.
14.1Abhibhuṁ abhibhuto sañjānāti;
He perceives Abhibhu as Abhibhu;
14.2abhibhuṁ abhibhuto saññatvā abhibhuṁ maññati, abhibhusmiṁ maññati, abhibhuto maññati, abhibhuṁ meti maññati, abhibhuṁ abhinandati.
having perceived Abhibhu as Abhibhu, he conceives Abhibhu, he conceives in Abhibhu, he conceives from Abhibhu, he conceives ‘Abhibhu is mine,’ he delights in Abhibhu.
14.3Taṁ kissa hetu?
Why is that?
14.4‘Apariññātaṁ tassā’ti vadāmi.
I say that it has not been fully understood by him.
15.1Ākāsānañcāyatanaṁ ākāsānañcāyatanato sañjānāti;
He perceives the dimension of infinite space [ākāsānañcāyatanaṁ] as the dimension of infinite space [ākāsānañcāyatanato];
15.2ākāsānañcāyatanaṁ ākāsānañcāyatanato saññatvā ākāsānañcāyatanaṁ maññati, ākāsānañcāyatanasmiṁ maññati, ākāsānañcāyatanato maññati, ākāsānañcāyatanaṁ meti maññati, ākāsānañcāyatanaṁ abhinandati.
having perceived the dimension of infinite space [ākāsānañcāyatanaṁ] as the dimension of infinite space [ākāsānañcāyatanato], he conceives the dimension of infinite space [ākāsānañcāyatanaṁ], he conceives in the dimension of infinite space [ākāsānañcāyatanasmiṁ], he conceives from the dimension of infinite space [ākāsānañcāyatanato], he conceives ‘the dimension of infinite space [ākāsānañcāyatanaṁ] is mine,’ he delights in the dimension of infinite space [ākāsānañcāyatanaṁ].
15.3Taṁ kissa hetu?
Why is that?
15.4‘Apariññātaṁ tassā’ti vadāmi.
I say that it has not been fully understood by him.
16.1Viññāṇañcāyatanaṁ viññāṇañcāyatanato sañjānāti;
He perceives the dimension of infinite consciousness [viññāṇañcāyatanaṁ] as the dimension of infinite consciousness [viññāṇañcāyatanato];
16.2viññāṇañcāyatanaṁ viññāṇañcāyatanato saññatvā viññāṇañcāyatanaṁ maññati, viññāṇañcāyatanasmiṁ maññati, viññāṇañcāyatanato maññati, viññāṇañcāyatanaṁ meti maññati, viññāṇañcāyatanaṁ abhinandati.
having perceived the dimension of infinite consciousness [viññāṇañcāyatanaṁ] as the dimension of infinite consciousness [viññāṇañcāyatanato], he conceives the dimension of infinite consciousness [viññāṇañcāyatanaṁ], he conceives in the dimension of infinite consciousness [viññāṇañcāyatanasmiṁ], he conceives from the dimension of infinite consciousness [viññāṇañcāyatanato], he conceives ‘the dimension of infinite consciousness [viññāṇañcāyatanaṁ] is mine,’ he delights in the dimension of infinite consciousness [viññāṇañcāyatanaṁ].
16.3Taṁ kissa hetu?
Why is that?
16.4‘Apariññātaṁ tassā’ti vadāmi.
I say that it has not been fully understood by him.
17.1Ākiñcaññāyatanaṁ ākiñcaññāyatanato sañjānāti;
He perceives the dimension of nothingness [ākiñcaññāyatanaṁ] as the dimension of nothingness [ākiñcaññāyatanato];
17.2ākiñcaññāyatanaṁ ākiñcaññāyatanato saññatvā ākiñcaññāyatanaṁ maññati, ākiñcaññāyatanasmiṁ maññati, ākiñcaññāyatanato maññati, ākiñcaññāyatanaṁ meti maññati, ākiñcaññāyatanaṁ abhinandati.
having perceived the dimension of nothingness [ākiñcaññāyatanaṁ] as the dimension of nothingness [ākiñcaññāyatanato], he conceives the dimension of nothingness [ākiñcaññāyatanaṁ], he conceives in the dimension of nothingness [ākiñcaññāyatanasmiṁ], he conceives from the dimension of nothingness [ākiñcaññāyatanato], he conceives ‘the dimension of nothingness [ākiñcaññāyatanaṁ] is mine,’ he delights in the dimension of nothingness [ākiñcaññāyatanaṁ].
17.3Taṁ kissa hetu?
Why is that?
17.4‘Apariññātaṁ tassā’ti vadāmi.
I say that it has not been fully understood by him.
18.1Nevasaññānāsaññāyatanaṁ nevasaññānāsaññāyatanato sañjānāti;
He perceives the dimension of neither saññā nor non-saññā [nevasaññānāsaññāyatanaṁ] as the dimension of neither saññā nor non-saññā [nevasaññānāsaññāyatanato];
18.2nevasaññānāsaññāyatanaṁ nevasaññānāsaññāyatanato saññatvā nevasaññānāsaññāyatanaṁ maññati, nevasaññānāsaññāyatanasmiṁ maññati, nevasaññānāsaññāyatanato maññati, nevasaññānāsaññāyatanaṁ meti maññati, nevasaññānāsaññāyatanaṁ abhinandati.
having perceived the dimension of neither saññā nor non-saññā [nevasaññānāsaññāyatanaṁ] as the dimension of neither saññā nor non-saññā [nevasaññānāsaññāyatanato], he conceives the dimension of neither saññā nor non-saññā [nevasaññānāsaññāyatanaṁ], he conceives in the dimension of neither saññā nor non-saññā [nevasaññānāsaññāyatanasmiṁ], he conceives from the dimension of neither saññā nor non-saññā [nevasaññānāsaññāyatanato], he conceives ‘the dimension of neither saññā nor non-saññā [nevasaññānāsaññāyatanaṁ] is mine,’ he delights in the dimension of neither saññā nor non-saññā [nevasaññānāsaññāyatanaṁ].
18.3Taṁ kissa hetu?
Why is that?
18.4‘Apariññātaṁ tassā’ti vadāmi.
I say that it has not been fully understood by him.
19.1Diṭṭhaṁ diṭṭhato sañjānāti;
He perceives what is seen as what is seen;
19.2diṭṭhaṁ diṭṭhato saññatvā diṭṭhaṁ maññati, diṭṭhasmiṁ maññati, diṭṭhato maññati, diṭṭhaṁ meti maññati, diṭṭhaṁ abhinandati.
having perceived what is seen as what is seen, he conceives what is seen, he conceives in what is seen, he conceives from what is seen, he conceives ‘what is seen is mine,’ he delights in what is seen.
19.3Taṁ kissa hetu?
Why is that?
19.4‘Apariññātaṁ tassā’ti vadāmi.
I say that it has not been fully understood by him.
20.1Sutaṁ sutato sañjānāti;
He perceives what is heard as what is heard;
20.2sutaṁ sutato saññatvā sutaṁ maññati, sutasmiṁ maññati, sutato maññati, sutaṁ meti maññati, sutaṁ abhinandati.
having perceived what is heard as what is heard, he conceives what is heard, he conceives in what is heard, he conceives from what is heard, he conceives ‘what is heard is mine,’ he delights in what is heard.
20.3Taṁ kissa hetu?
Why is that?
20.4‘Apariññātaṁ tassā’ti vadāmi.
I say that it has not been fully understood by him.
21.1Mutaṁ mutato sañjānāti;
He perceives what is sensed as what is sensed;
21.2mutaṁ mutato saññatvā mutaṁ maññati, mutasmiṁ maññati, mutato maññati, mutaṁ meti maññati, mutaṁ abhinandati.
having perceived what is sensed as what is sensed, he conceives what is sensed, he conceives in what is sensed, he conceives from what is sensed, he conceives ‘what is sensed is mine,’ he delights in what is sensed.
21.3Taṁ kissa hetu?
Why is that?
21.4‘Apariññātaṁ tassā’ti vadāmi.
I say that it has not been fully understood by him.
22.1Viññātaṁ viññātato sañjānāti;
He perceives what is cognized as what is cognized;
22.2viññātaṁ viññātato saññatvā viññātaṁ maññati, viññātasmiṁ maññati, viññātato maññati, viññātaṁ meti maññati, viññātaṁ abhinandati.
having perceived what is cognized as what is cognized, he conceives what is cognized, he conceives in what is cognized, he conceives from what is cognized, he conceives ‘what is cognized is mine,’ he delights in what is cognized.
22.3Taṁ kissa hetu?
Why is that?
22.4‘Apariññātaṁ tassā’ti vadāmi.
I say that it has not been fully understood by him.
23.1Ekattaṁ ekattato sañjānāti;
He perceives unity as unity;
23.2ekattaṁ ekattato saññatvā ekattaṁ maññati, ekattasmiṁ maññati, ekattato maññati, ekattaṁ meti maññati, ekattaṁ abhinandati.
having perceived unity as unity, he conceives unity, he conceives in unity, he conceives from unity, he conceives ‘unity is mine,’ he delights in unity.
23.3Taṁ kissa hetu?
Why is that?
23.4‘Apariññātaṁ tassā’ti vadāmi.
I say that it has not been fully understood by him.
24.1Nānattaṁ nānattato sañjānāti;
He perceives diversity as diversity;
24.2nānattaṁ nānattato saññatvā nānattaṁ maññati, nānattasmiṁ maññati, nānattato maññati, nānattaṁ meti maññati, nānattaṁ abhinandati.
having perceived diversity as diversity, he conceives diversity, he conceives in diversity, he conceives from diversity, he conceives ‘diversity is mine,’ he delights in diversity.
24.3Taṁ kissa hetu?
Why is that?
24.4‘Apariññātaṁ tassā’ti vadāmi.
I say that it has not been fully understood by him.
25.1Sabbaṁ sabbato sañjānāti;
He perceives all as all;
25.2sabbaṁ sabbato saññatvā sabbaṁ maññati, sabbasmiṁ maññati, sabbato maññati, sabbaṁ meti maññati, sabbaṁ abhinandati.
having perceived all as all, he conceives all, he conceives in all, he conceives from all, he conceives ‘all is mine,’ he delights in all.
25.3Taṁ kissa hetu?
Why is that?
25.4‘Apariññātaṁ tassā’ti vadāmi.
I say that it has not been fully understood by him.
26.1Nibbānaṁ nibbānato sañjānāti;
He perceives nibbāna as nibbāna;
26.2nibbānaṁ nibbānato saññatvā nibbānaṁ maññati, nibbānasmiṁ maññati, nibbānato maññati, nibbānaṁ meti maññati, nibbānaṁ abhinandati.
having perceived nibbāna as nibbāna, he conceives nibbāna, he conceives in nibbāna, he conceives from nibbāna, he conceives ‘nibbāna is mine,’ he delights in nibbāna.
26.3Taṁ kissa hetu?
Why is that?
26.4‘Apariññātaṁ tassā’ti vadāmi.
I say that it has not been fully understood by him.
26.5Puthujjanavasena paṭhamanayabhūmiparicchedo niṭṭhito.
The delineation of the first mode-section, by way of the ordinary person, is concluded.
27.1Yopi so, bhikkhave, bhikkhu sekkho appattamānaso anuttaraṁ yogakkhemaṁ patthayamāno viharati, sopi pathaviṁ pathavito abhijānāti;
And that bhikkhu, bhikkhus, who is a trainee, who has not yet attained his heart’s desire, dwelling aspiring to the unsurpassed security from bondage, he too directly knows earth as earth;
27.2pathaviṁ pathavito abhiññāya pathaviṁ mā maññi, pathaviyā mā maññi, pathavito mā maññi, pathaviṁ meti mā maññi, pathaviṁ mābhinandi.
having directly known earth as earth, he should not conceive earth, he should not conceive in earth, he should not conceive from earth, he should not conceive ‘earth is mine,’ he should not delight in earth.
27.3Taṁ kissa hetu?
Why is that?
27.4‘Pariññeyyaṁ tassā’ti vadāmi.
I say that it is to be fully understood by him.
28.1Āpaṁ …pe…
Water …
29.1tejaṁ …
Fire …
30.1vāyaṁ …
Air …
31.1bhūte …
Beings …
32.1deve …
Gods …
33.1pajāpatiṁ …
Prajāpati …
34.1brahmaṁ …
Brahmā …
35.1ābhassare …
The Ābhassaras …
36.1subhakiṇhe …
The Subhakiṇhas …
37.1vehapphale …
The Vehapphalas …
38.1abhibhuṁ …
Abhibhu …
39.1ākāsānañcāyatanaṁ …
The dimension of infinite space [ākāsānañcāyatanaṁ] …
40.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
41.1ākiñcaññāyatanaṁ …
The dimension of nothingness [ākiñcaññāyatanaṁ] …
42.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
43.1diṭṭhaṁ …
What is seen …
44.1sutaṁ …
What is heard …
45.1mutaṁ …
What is sensed …
46.1viññātaṁ …
What is cognized …
47.1ekattaṁ …
Unity …
48.1nānattaṁ …
Diversity …
49.1sabbaṁ …
All …
50.1nibbānaṁ nibbānato abhijānāti;
He directly knows nibbāna as nibbāna;
50.2nibbānaṁ nibbānato abhiññāya nibbānaṁ mā maññi, nibbānasmiṁ mā maññi, nibbānato mā maññi, nibbānaṁ meti mā maññi, nibbānaṁ mābhinandi.
having directly known nibbāna as nibbāna, he should not conceive nibbāna, he should not conceive in nibbāna, he should not conceive from nibbāna, he should not conceive ‘nibbāna is mine,’ he should not delight in nibbāna.
50.3Taṁ kissa hetu?
Why is that?
50.4‘Pariññeyyaṁ tassā’ti vadāmi.
I say that it is to be fully understood by him.
50.5Sekkhavasena dutiyanayabhūmiparicchedo niṭṭhito.
The delineation of the second mode-section, by way of the trainee, is concluded.
51.1Yopi so, bhikkhave, bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto, sopi pathaviṁ pathavito abhijānāti;
And that bhikkhu, bhikkhus, who is an arahant, with āsavas destroyed [khīṇāsavo], who has lived the holy life, done what had to be done, laid down the burden, reached his own goal, with the fetters of bhava entirely destroyed [parikkhīṇabhavasaṁyojano], completely liberated through final knowledge—he too directly knows earth as earth;
51.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
51.3Taṁ kissa hetu?
Why is that?
51.4‘Pariññātaṁ tassā’ti vadāmi.
I say that it has been fully understood by him.
52.1Āpaṁ …pe…
Water …
53.1tejaṁ …
Fire …
54.1vāyaṁ …
Air …
55.1bhūte …
Beings …
56.1deve …
Gods …
57.1pajāpatiṁ …
Prajāpati …
58.1brahmaṁ …
Brahmā …
59.1ābhassare …
The Ābhassaras …
60.1subhakiṇhe …
The Subhakiṇhas …
61.1vehapphale …
The Vehapphalas …
62.1abhibhuṁ …
Abhibhu …
63.1ākāsānañcāyatanaṁ …
The dimension of infinite space [ākāsānañcāyatanaṁ] …
64.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
65.1ākiñcaññāyatanaṁ …
The dimension of nothingness [ākiñcaññāyatanaṁ] …
66.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
67.1diṭṭhaṁ …
What is seen …
68.1sutaṁ …
What is heard …
69.1mutaṁ …
What is sensed …
70.1viññātaṁ …
What is cognized …
71.1ekattaṁ …
Unity …
72.1nānattaṁ …
Diversity …
73.1sabbaṁ …
All …
74.1nibbānaṁ nibbānato abhijānāti;
He directly knows nibbāna as nibbāna;
74.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
74.3Taṁ kissa hetu?
Why is that?
74.4‘Pariññātaṁ tassā’ti vadāmi.
I say that it has been fully understood by him.
74.5Khīṇāsavavasena tatiyanayabhūmiparicchedo niṭṭhito.
The delineation of the third mode-section, by way of the one with destroyed āsavas [khīṇāsavavasena], is concluded.
75.1Yopi so, bhikkhave, bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññā vimutto, sopi pathaviṁ pathavito abhijānāti;
And that bhikkhu, bhikkhus, who is an arahant, with āsavas destroyed [khīṇāsavo], who has lived the holy life, done what had to be done, laid down the burden, reached his own goal, with the fetters of bhava entirely destroyed [parikkhīṇabhavasaṁyojano], completely liberated through final knowledge—he too directly knows earth as earth;
75.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
75.3Taṁ kissa hetu?
Why is that?
75.4Khayā rāgassa, vītarāgattā.
Because of the destruction of passion, because he is free of passion.
76.1Āpaṁ …pe…
Water …
77.1tejaṁ …
Fire …
78.1vāyaṁ …
Air …
79.1bhūte …
Beings …
80.1deve …
Gods …
81.1pajāpatiṁ …
Prajāpati …
82.1brahmaṁ …
Brahmā …
83.1ābhassare …
The Ābhassaras …
84.1subhakiṇhe …
The Subhakiṇhas …
85.1vehapphale …
The Vehapphalas …
86.1abhibhuṁ …
Abhibhu …
87.1ākāsānañcāyatanaṁ …
The dimension of infinite space [ākāsānañcāyatanaṁ] …
88.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
89.1ākiñcaññāyatanaṁ …
The dimension of nothingness [ākiñcaññāyatanaṁ] …
90.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
91.1diṭṭhaṁ …
What is seen …
92.1sutaṁ …
What is heard …
93.1mutaṁ …
What is sensed …
94.1viññātaṁ …
What is cognized …
95.1ekattaṁ …
Unity …
96.1nānattaṁ …
Diversity …
97.1sabbaṁ …
All …
98.1nibbānaṁ nibbānato abhijānāti;
He directly knows nibbāna as nibbāna;
98.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
98.3Taṁ kissa hetu?
Why is that?
98.4Khayā rāgassa, vītarāgattā.
Because of the destruction of passion, because he is free of passion.
98.5Khīṇāsavavasena catutthanayabhūmiparicchedo niṭṭhito.
The delineation of the fourth mode-section, by way of the one with destroyed āsavas [khīṇāsavavasena], is concluded.
99.1Yopi so, bhikkhave, bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto, sopi pathaviṁ pathavito abhijānāti;
And that bhikkhu, bhikkhus, who is an arahant, with āsavas destroyed [khīṇāsavo], who has lived the holy life, done what had to be done, laid down the burden, reached his own goal, with the fetters of bhava entirely destroyed [parikkhīṇabhavasaṁyojano], completely liberated through final knowledge—he too directly knows earth as earth;
99.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
99.3Taṁ kissa hetu?
Why is that?
99.4Khayā dosassa, vītadosattā.
Because of the destruction of aversion, because he is free of aversion.
100.1Āpaṁ …pe…
Water …
101.1tejaṁ …
Fire …
102.1vāyaṁ …
Air …
103.1bhūte …
Beings …
104.1deve …
Gods …
105.1pajāpatiṁ …
Prajāpati …
106.1brahmaṁ …
Brahmā …
107.1ābhassare …
The Ābhassaras …
108.1subhakiṇhe …
The Subhakiṇhas …
109.1vehapphale …
The Vehapphalas …
110.1abhibhuṁ …
Abhibhu …
111.1ākāsānañcāyatanaṁ …
The dimension of infinite space [ākāsānañcāyatanaṁ] …
112.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
113.1ākiñcaññāyatanaṁ …
The dimension of nothingness [ākiñcaññāyatanaṁ] …
114.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
115.1diṭṭhaṁ …
What is seen …
116.1sutaṁ …
What is heard …
117.1mutaṁ …
What is sensed …
118.1viññātaṁ …
What is cognized …
119.1ekattaṁ …
Unity …
120.1nānattaṁ …
Diversity …
121.1sabbaṁ …
All …
122.1nibbānaṁ nibbānato abhijānāti;
He directly knows nibbāna as nibbāna;
122.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
122.3Taṁ kissa hetu?
Why is that?
122.4Khayā dosassa, vītadosattā.
Because of the destruction of aversion, because he is free of aversion.
122.5Khīṇāsavavasena pañcamanayabhūmiparicchedo niṭṭhito.
The delineation of the fifth mode-section, by way of the one with destroyed āsavas [khīṇāsavavasena], is concluded.
123.1Yopi so, bhikkhave, bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto, sopi pathaviṁ pathavito abhijānāti;
And that bhikkhu, bhikkhus, who is an arahant, with āsavas destroyed [khīṇāsavo], who has lived the holy life, done what had to be done, laid down the burden, reached his own goal, with the fetters of bhava entirely destroyed [parikkhīṇabhavasaṁyojano], completely liberated through final knowledge—he too directly knows earth as earth;
123.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
123.3Taṁ kissa hetu?
Why is that?
123.4Khayā mohassa, vītamohattā.
Because of the destruction of delusion, because he is free of delusion.
124.1Āpaṁ …pe…
Water …
125.1tejaṁ …
Fire …
126.1vāyaṁ …
Air …
127.1bhūte …
Beings …
128.1deve …
Gods …
129.1pajāpatiṁ …
Prajāpati …
130.1brahmaṁ …
Brahmā …
131.1ābhassare …
The Ābhassaras …
132.1subhakiṇhe …
The Subhakiṇhas …
133.1vehapphale …
The Vehapphalas …
134.1abhibhuṁ …
Abhibhu …
135.1ākāsānañcāyatanaṁ …
The dimension of infinite space [ākāsānañcāyatanaṁ] …
136.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
137.1ākiñcaññāyatanaṁ …
The dimension of nothingness [ākiñcaññāyatanaṁ] …
138.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
139.1diṭṭhaṁ …
What is seen …
140.1sutaṁ …
What is heard …
141.1mutaṁ …
What is sensed …
142.1viññātaṁ …
What is cognized …
143.1ekattaṁ …
Unity …
144.1nānattaṁ …
Diversity …
145.1sabbaṁ …
All …
146.1nibbānaṁ nibbānato abhijānāti;
He directly knows nibbāna as nibbāna;
146.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
146.3Taṁ kissa hetu?
Why is that?
146.4Khayā mohassa, vītamohattā.
Because of the destruction of delusion, because he is free of delusion.
146.5Khīṇāsavavasena chaṭṭhanayabhūmiparicchedo niṭṭhito.
The delineation of the sixth mode-section, by way of the one with destroyed āsavas [khīṇāsavavasena], is concluded.
147.1Tathāgatopi, bhikkhave, arahaṁ sammāsambuddho pathaviṁ pathavito abhijānāti;
The Tathāgata too, bhikkhus, an arahant, perfectly awakened, directly knows earth as earth;
147.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
147.3Taṁ kissa hetu?
Why is that?
147.4‘Pariññātantaṁ tathāgatassā’ti vadāmi.
I say that it has been fully understood by the Tathāgata.
148.1Āpaṁ …pe…
Water …
149.1tejaṁ …
Fire …
150.1vāyaṁ …
Air …
151.1bhūte …
Beings …
152.1deve …
Gods …
153.1pajāpatiṁ …
Prajāpati …
154.1brahmaṁ …
Brahmā …
155.1ābhassare …
The Ābhassaras …
156.1subhakiṇhe …
The Subhakiṇhas …
157.1vehapphale …
The Vehapphalas …
158.1abhibhuṁ …
Abhibhu …
159.1ākāsānañcāyatanaṁ …
The dimension of infinite space [ākāsānañcāyatanaṁ] …
160.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
161.1ākiñcaññāyatanaṁ …
The dimension of nothingness [ākiñcaññāyatanaṁ] …
162.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
163.1diṭṭhaṁ …
What is seen …
164.1sutaṁ …
What is heard …
165.1mutaṁ …
What is sensed …
166.1viññātaṁ …
What is cognized …
167.1ekattaṁ …
Unity …
168.1nānattaṁ …
Diversity …
169.1sabbaṁ …
All …
170.1nibbānaṁ nibbānato abhijānāti;
He directly knows nibbāna as nibbāna;
170.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
170.3Taṁ kissa hetu?
Why is that?
170.4‘Pariññātantaṁ tathāgatassā’ti vadāmi.
I say that it has been fully understood by the Tathāgata.
170.5Tathāgatavasena sattamanayabhūmiparicchedo niṭṭhito.
The delineation of the seventh mode-section, by way of the Tathāgata, is concluded.
171.1Tathāgatopi, bhikkhave, arahaṁ sammāsambuddho pathaviṁ pathavito abhijānāti;
The Tathāgata too, bhikkhus, an arahant, perfectly awakened, directly knows earth as earth;
171.2pathaviṁ pathavito abhiññāya pathaviṁ na maññati, pathaviyā na maññati, pathavito na maññati, pathaviṁ meti na maññati, pathaviṁ nābhinandati.
having directly known earth as earth, he does not conceive earth, he does not conceive in earth, he does not conceive from earth, he does not conceive ‘earth is mine,’ he does not delight in earth.
171.3Taṁ kissa hetu?
Why is that?
171.4‘Nandī dukkhassa mūlan’ti—
Knowing, ‘Delight is the root of dukkha’—
171.5iti viditvā ‘bhavā jāti bhūtassa jarāmaraṇan’ti.
and knowing, ‘From bhava comes birth, and for one who has come to be, aging and death.’
171.6Tasmātiha, bhikkhave, ‘tathāgato sabbaso taṇhānaṁ khayā virāgā nirodhā cāgā paṭinissaggā anuttaraṁ sammāsambodhiṁ abhisambuddho’ti vadāmi.
Therefore, bhikkhus, I say that the Tathāgata has awakened to unsurpassed perfect awakening through the complete destruction, fading away, cessation, giving up, and letting go of all taṇhās.”
172.1Āpaṁ …pe…
Water …
173.1tejaṁ …
Fire …
174.1vāyaṁ …
Air …
175.1bhūte …
Beings …
176.1deve …
Gods …
177.1pajāpatiṁ …
Prajāpati …
178.1brahmaṁ …
Brahmā …
179.1ābhassare …
The Ābhassaras …
180.1subhakiṇhe …
The Subhakiṇhas …
181.1vehapphale …
The Vehapphalas …
182.1abhibhuṁ …
Abhibhu …
183.1ākāsānañcāyatanaṁ …
The dimension of infinite space [ākāsānañcāyatanaṁ] …
184.1viññāṇañcāyatanaṁ …
The dimension of infinite consciousness [viññāṇañcāyatanaṁ] …
185.1ākiñcaññāyatanaṁ …
The dimension of nothingness [ākiñcaññāyatanaṁ] …
186.1nevasaññānāsaññāyatanaṁ …
The dimension of neither saññā nor non-saññā [nevasaññānāsaññāyatanaṁ] …
187.1diṭṭhaṁ …
What is seen …
188.1sutaṁ …
What is heard …
189.1mutaṁ …
What is sensed …
190.1viññātaṁ …
What is cognized …
191.1ekattaṁ …
Unity …
192.1nānattaṁ …
Diversity …
193.1sabbaṁ …
All …
194.1nibbānaṁ nibbānato abhijānāti;
He directly knows nibbāna as nibbāna;
194.2nibbānaṁ nibbānato abhiññāya nibbānaṁ na maññati, nibbānasmiṁ na maññati, nibbānato na maññati, nibbānaṁ meti na maññati, nibbānaṁ nābhinandati.
having directly known nibbāna as nibbāna, he does not conceive nibbāna, he does not conceive in nibbāna, he does not conceive from nibbāna, he does not conceive ‘nibbāna is mine,’ he does not delight in nibbāna.
194.3Taṁ kissa hetu?
Why is that?
194.4‘Nandī dukkhassa mūlan’ti—
Knowing, ‘Delight is the root of dukkha’—
194.5iti viditvā ‘bhavā jāti bhūtassa jarāmaraṇan’ti.
and knowing, ‘From bhava comes birth, and for one who has come to be, aging and death.’
194.6Tasmātiha, bhikkhave, ‘tathāgato sabbaso taṇhānaṁ khayā virāgā nirodhā cāgā paṭinissaggā anuttaraṁ sammāsambodhiṁ abhisambuddho’ti vadāmī”ti.
Therefore, bhikkhus, I say that the Tathāgata has awakened to unsurpassed perfect awakening through the complete destruction, fading away, cessation, giving up, and letting go of all taṇhās.”
194.7Tathāgatavasena aṭṭhamanayabhūmiparicchedo niṭṭhito.
The delineation of the eighth mode-section, by way of the Tathāgata, is concluded.
194.8Idamavoca bhagavā.
The Bhagavā said this.
194.9Na te bhikkhū bhagavato bhāsitaṁ abhinandunti.
Those bhikkhus did not delight in what the Bhagavā said.
194.10Mūlapariyāyasuttaṁ niṭṭhitaṁ paṭhamaṁ.
The first sutta, The Root of All Things, is concluded.